Machzor Rosh Hashanah Edot HaMizrach, Kabbalat Shabbat

יש נוהגים לומר מזמורים אלו לפני קבלת שבת:

לְכֽוּ נְרַנְּנָ֣ה לַֽיהֹוָה נָרִ֗יעָה לְצ֣וּר יִשְׁעֵֽנוּ: נְקַדְּמָ֣ה פָנָ֣יו בְּתוֹדָ֑ה ֜בִּזְמִר֗וֹת נָרִ֥יעַ לֽוֹ: כִּ֤י אֵ֣ל גָּד֣וֹל יְהֹוָה וּמֶ֥לֶךְ ֜גָּד֗וֹל עַל־כָּל־אֱלֹהִֽים: אֲשֶׁ֣ר ֖בְּיָדֽוֹ מֶחְקְרֵי־אָ֑רֶץ וְתֽוֹעֲפ֖וֹת הָרִ֣ים לֽוֹ: אֲשֶׁר־ל֣וֹ ֖הַיָּֽם וְה֣וּא עָשָׂ֑הוּ ֜וְיַבֶּ֗שֶׁת יָדָ֥יו יָצָֽרוּ: ֖בֹּאוּ נִשְׁתַּֽחֲוֶ֣ה וְנִכְרָ֑עָה ֜נִבְרְכָ֗ה לִֽפְנֵי־יְהֹוָה עֹשֵֽׂנוּ: כִּ֘י ה֤וּא אֱלֹהֵ֗ינוּ וַֽאֲנַ֤חְנוּ עַ֣ם ֖מַרְעִיתֽוֹ וְצֹ֣אן יָד֑וֹ ֜הַיּ֗וֹם אִֽם־בְּקֹל֥וֹ תִשְׁמָֽעוּ: אַל־תַּקְשׁ֣וּ ֖לְבַבְכֶֽם כִּמְרִיבָ֑ה כְּי֥וֹם ֜מַסָּ֗ה בַּמִּדְבָּֽר: אֲשֶׁ֣ר ֖נִסּֽוּנִי אֲבֽוֹתֵיכֶ֑ם ֜בְּחָנ֗וּנִי גַּם־רָא֥וּ פָֽעֳלִֽי: אַרְבָּ֘עִ֤ים שָׁנָ֨ה| אָ֘ק֤וּט בְּד֗וֹר וָֽאֹמַ֗ר עַ֤ם תֹּעֵ֣י לֵבָ֣ב הֵ֑ם ֜וְהֵ֗ם לֹא־יָֽדְע֥וּ דְרָכָֽי: אֲשֶׁר־נִשְׁבַּ֥עְתִּי בְאַפִּ֑י אִם־֜יְבֹא֗וּן אֶל־מְנֽוּחָתִֽי:

שִׁ֣ירוּ ֖לַֽיהֹוָֽה שִׁ֣יר חָדָ֑שׁ שִׁ֥ירוּ ֜לַֽיהֹוָה כָּל־הָאָֽרֶץ: שִׁ֣ירוּ ֖לַֽיהֹוָֽה בָּֽרְכ֣וּ שְׁמ֑וֹ בַּשְּׂר֥וּ מִיּֽוֹם־֜לְי֗וֹם יְשֽׁוּעָתֽוֹ: סַפְּר֣וּ בַגּוֹיִ֣ם כְּבוֹד֑וֹ בְּכָל־֜הָֽעַמִּ֗ים נִפְלְאוֹתָֽיו: כִּ֥י גָ֘ד֤וֹל יְהֹוָה וּמְהֻלָּ֣ל מְאֹ֑ד נוֹרָ֥א ֜ה֗וּא עַל־כָּל־אֱלֹהִֽים: כִּ֤י| כָּל־אֱלֹהֵ֣י הָֽעַמִּ֣ים אֱלִילִ֑ים ֜וַֽיהֹוָה שָׁמַ֥יִם עָשָֽׂה: הֽוֹד־וְהָדָ֥ר לְפָנָ֑יו עֹ֥ז ֜וְתִפְאֶ֗רֶת בְּמִקְדָּשֽׁוֹ: הָב֣וּ ֖לַֽיהֹוָֽה מִשְׁפְּח֣וֹת עַמִּ֑ים הָב֥וּ ֜לַֽיהֹוָה כָּב֥וֹד וָעֹֽז: הָב֣וּ ֖לַֽיהֹוָֽה כְּב֣וֹד שְׁמ֑וֹ שְׂאֽוּ־֜מִנְחָ֗ה וּבֹ֥אוּ לְחַצְרוֹתָֽיו: הִשְׁתַּֽחֲו֣וּ ֖לַֽיהֹוָֽה בְּהַדְרַת־קֹ֑דֶשׁ חִ֥ילוּ ֜מִפָּנָ֗יו כָּל־הָאָֽרֶץ: אִמְר֤וּ בַגּוֹיִ֨ם| יְהֹוָה מָלָ֗ךְ אַף־תִּכּ֣וֹן ֖תֵּבֵֽל בַּל־תִּמּ֑וֹט יָדִ֥ין ֜עַמִּ֗ים בְּמֵֽישָׁרִֽים: יִשְׂמְח֣וּ ֖הַשָּׁמַֽיִם וְתָגֵ֣ל הָאָ֑רֶץ יִֽרְעַ֥ם ֜הַיָּ֗ם וּמְלֹאֽוֹ: יַֽעֲלֹ֣ז ֖שָׂדַֽי וְכָל־אֲשֶׁר־בּ֑וֹ אָ֥ז ֜יְרַנְּנ֗וּ כָּל־עֲצֵי־יָֽעַר: לִפְנֵ֤י יְהֹוָה יאהדונהי | כִּ֬י בָ֗א כִּ֥י בָא֘ לִשְׁפֹּ֪ט הָ֫אָ֥רֶץ יִשְׁפֹּֽט־תֵּבֵ֥ל בְּצֶ֑דֶק ֜וְעַמִּ֗ים בֶּאֱמֽוּנָתֽוֹ:

יְהֹוָה מָלָךְ תָּגֵ֣ל הָאָ֑רֶץ ֜יִשְׂמְח֗וּ אִיִּ֥ים רַבִּֽים: עָנָ֣ן וַֽעֲרָפֶ֣ל סְבִיבָ֑יו צֶ֥דֶק ֜וּמִשְׁפָּ֗ט מְכ֣וֹן כִּסְאֽוֹ: ֖אֵשׁ לְפָנָ֣יו תֵּלֵ֑ךְ וּתְלַהֵ֖ט סָבִ֣יב צָרָֽיו: הֵאִ֣ירוּ בְרָקָ֣יו תֵּבֵ֑ל רָֽאֲתָ֖ה וַתָּחֵ֣ל הָאָֽרֶץ: הָרִ֗ים כַּדּוֹנַ֗ג ֖נָמַֽסּוּ מִלִּפְנֵ֣י יְהֹוָה מִלִּפְנֵ֗י אֲד֣וֹן כָּל־הָאָֽרֶץ: הִגִּ֣ידוּ הַשָּׁמַ֣יִם צִדְק֑וֹ וְרָא֖וּ כָל־הָֽעַמִּ֣ים כְּבוֹדֽוֹ: יֵבֹ֤שׁוּ| כָּל־עֹ֬בְדֵי פֶ֗סֶל הַמִּֽתְהַלְלִ֥ים בָּֽאֱלִילִ֑ים הִשְׁתַּֽחֲווּ־֜ל֗וֹ כָּל־אֱלֹהִֽים: שָֽׁמְעָ֬ה וַתִּשְׂמַ֨ח| צִיּ֗וֹן ֖וַתָּגֵֽלְנָה בְּנ֣וֹת יְהוּדָ֑ה לְמַ֖עַן מִשְׁפָּטֶ֣יךָ יְהֹוָה יאהדונהי: כִּֽי־אַתָּ֤ה יְהֹוָה עֶלְי֥וֹן עַל־כָּל־הָאָ֑רֶץ מְאֹ֥ד ֜נַֽעֲלֵ֗יתָ עַל־כָּל־אֱלֹהִֽים: אֹֽהֲבֵ֥י יְהֹוָה שִׂנְא֫וּ רָ֥ע ֖שֹׁמֵֽר נַפְשׁ֣וֹת חֲסִידָ֑יו מִיַּ֥ד ֜רְשָׁעִ֗ים יַצִּילֵֽם: א֖וֹר זָרֻ֣ע לַצַּדִּ֑יק וּֽלְיִשְׁרֵי־לֵ֥ב שִׂמְחָֽה: שִׂמְח֣וּ ֖צַדִּיקִֽים בַּֽיהֹוָה וְהוֹד֗וּ לְזֵ֣כֶר קָדְשֽׁוֹ:

מִזְמ֡וֹר שִׁ֤ירוּ לַֽיהֹוָה יאהדונהי | שִׁ֣יר ֖חָדָֽשׁ כִּֽי־נִפְלָא֣וֹת עָשָׂ֑ה הוֹשִֽׁיעָה־לּ֥וֹ ֜יְמִינ֗וֹ וּזְר֥וֹעַ קָדְשֽׁוֹ: הוֹדִ֣יעַ ֖יְהֹוָה יְשֽׁוּעָת֑וֹ לְעֵינֵ֥י ֜הַגּוֹיִ֗ם גִּלָּ֥ה צִדְקָתֽוֹ: זָ֘כַ֤ר חַסְדּ֨וֹ| וֶֽאֱמוּנָתֽוֹ֘ לְבֵ֪ית יִשְׂרָ֫אֵ֥ל רָא֥וּ כָל־אַפְסֵי־אָ֑רֶץ ֜אֵ֗ת יְשׁוּעַ֥ת אֱלֹהֵֽינוּ: הָרִ֣יעוּ ֖לַֽיהֹוָֽה כָּל־הָאָ֑רֶץ פִּצְח֖וּ וְרַנְּנ֣וּ וְזַמֵּֽרוּ: זַמְּר֣וּ לַֽיהֹוָה בְּכִנּ֑וֹר ֜בְּכִנּ֗וֹר וְק֣וֹל זִמְרָֽה: ֖בַּֽחֲצֹ֣צְרֽוֹת וְק֣וֹל שׁוֹפָ֑ר ֜הָרִ֗יעוּ לִפְנֵ֤י| הַמֶּ֬לֶךְ יְהֹוָה יאהדונהי: יִרְעַ֣ם ֖הַיָּֽם וּמְלֹא֑וֹ ֜תֵּבֵ֗ל וְיֹ֣שְׁבֵי בָֽהּ: נְהָר֥וֹת יִמְחֲאוּ־כָ֑ף ֜יַ֗חַד הָרִ֥ים יְרַנֵּֽנוּ: לִ֥פְֽנֵי־יְהֹוָה כִּ֥י בָא֘ לִשְׁפֹּ֪ט הָ֫אָ֥רֶץ יִשְׁפֹּֽט־תֵּבֵ֥ל בְּצֶ֑דֶק ֜וְעַמִּ֗ים בְּמֵֽישָׁרִֽים:

יש נוהגים להתחיל מכאן:

יְהֹוָה מָלָֽךְ יִרְגְּז֣וּ עַמִּ֑ים יֹשֵׁ֥ב ֜כְּרוּבִ֗ים תָּנ֥וּט הָאָֽרֶץ: ֖יְהֹוָה בְּצִיּ֣וֹן גָּד֑וֹל וְרָ֥ם ֜ה֗וּא עַל־כָּל־הָֽעַמִּֽים: יוֹד֣וּ ֖שִׁמְךָֽ גָּד֥וֹל וְנוֹרָ֗א קָד֥וֹשׁ הֽוּא: וְעֹ֥ז מֶֽלֶךְ֘ מִשְׁפָּ֪ט אָ֫הֵ֥ב ֖אַתָּֽה כּוֹנַ֣נְתָּ מֵֽישָׁרִ֑ים מִשְׁפָּ֥ט ֜וּצְדָקָ֗ה בְּיַֽעֲקֹ֤ב| אַתָּ֬ה עָשִֽׂיתָ: רֽוֹמְמ֡וּ יְהֹוָה אֱלֹהֵ֗ינוּ ֖וְֽהִשְׁתַּחֲוֽוּ לַֽהֲדֹ֥ם רַגְלָ֗יו קָד֥וֹשׁ הֽוּא: מֹ֘שֶׁ֤ה וְאַֽהֲרֹ֨ן| בְּֽכֹֽהֲנָ֗יו ֖וּשְׁמוּאֵֽל בְּקֹֽרְאֵ֣י שְׁמ֑וֹ קֹרִ֥אים אֶל־֜יְהֹוָה וְה֣וּא יַֽעֲנֵֽם: בְּעַמּ֣וּד ֖עָנָֽן יְדַבֵּ֣ר אֲלֵיהֶ֑ם שָֽׁמְר֥וּ ֜עֵֽדֹתָ֗יו וְחֹ֣ק נָֽתַן־לָֽמוֹ: יְהֹוָה אֱלֹהֵינוּ֘ אַתָּ֪ה עֲנִ֫יתָ֥ם אֵ֣ל ֖נֹשֵֽׂא הָיִ֣יתָ לָהֶ֑ם וְ֜נֹקֵ֗ם עַל־עֲלִֽילוֹתָֽם: רֽוֹמְמ֡וּ יְהֹוָה אֱלֹהֵ֗ינוּ ֖וְהִשְׁתַּֽחֲוֽוּ לְהַ֣ר קָדְשׁ֑וֹ כִּֽי־֜קָד֗וֹשׁ יְהֹוָה אֱלֹהֵֽינוּ:

מִזְמ֥וֹר לְתוֹדָ֑ה הָרִ֥יעוּ ֜לַֽיהֹוָה כָּל־הָאָֽרֶץ: עִבְד֣וּ אֶת־יְהֹוָה בְּשִׂמְחָ֑ה בֹּ֥אוּ ֜לְפָנָ֗יו בִּרְנָנָֽה: דְּע֗וּ כִּֽי־יְהֹוָה ה֤וּא אֱלֹ֫הִ֥ים ה֣וּא־֖עָשָֽׂנוּ וְל֣וֹ אֲנַ֑חְנוּ ֜עַמּ֗וֹ וְצֹ֣אן מַרְעִיתֽוֹ: בֹּ֤אוּ שְׁעָרָ֨יו| בְּתוֹדָ֗ה חֲצֵֽרֹתָ֥יו בִּתְהִלָּ֑ה הֽוֹדוּ־֜ל֗וֹ בָּֽרְכ֥וּ שְׁמֽוֹ: כִּֽי־ט֣וֹב ֖יְהֹוָה לְעוֹלָ֣ם חַסְדּ֑וֹ וְעַד־דֹּ֥ר ֜וָדֹ֗ר אֱמֽוּנָתֽוֹ:

בשעת אמירת "מזמור לדוד" ו"לכה דודי", יהפוך פניו כנגד צד מערב, ויעמוד באימה וביראה, ויכוין לקבל עליו תוספת קדושת שבת.

מִזְמ֗וֹר לְדָ֫וִ֥ד הָב֣וּ ֖לַֽיהֹוָֽה בְּנֵ֣י אֵלִ֑ים הָב֥וּ ֜לַֽיהֹוָה כָּב֥וֹד וָעֹֽז: הָב֣וּ ֖לַֽיהֹוָֽה כְּב֣וֹד שְׁמ֑וֹ הִשְׁתַּֽחֲו֥וּ ֜לַֽיהֹוָה בְּהַדְרַת־קֹֽדֶשׁ: ק֥וֹל יְהֹוָה עַל־הַ֫מָּ֥יִם אֵֽל־הַכָּב֥וֹד הִרְעִ֑ים ֜יְהֹוָה עַל־מַ֥יִם רַבִּֽים: קֽוֹל־יְהֹוָה בַּכֹּ֑חַ ק֥וֹל ֜יְהֹוָה בֶּֽהָדָֽר: ק֣וֹל ֖יְהֹוָה שֹׁבֵ֣ר אֲרָזִ֑ים וַיְשַׁבֵּ֥ר ֜יְהֹוָה אֶת־אַרְזֵ֥י הַלְּבָנֽוֹן: וַיַּרְקִידֵ֥ם כְּמוֹ־עֵ֑גֶל לְבָנ֥וֹן ֜וְשִׂרְיֹ֗ן כְּמ֣וֹ בֶן־רְאֵמִֽים: קוֹל־יְהֹוָה חֹצֵ֗ב לַֽהֲב֥וֹת אֵֽשׁ: ק֣וֹל ֖יְהֹוָה יָחִ֣יל מִדְבָּ֑ר יָחִ֥יל ֜יְהֹוָה מִדְבַּ֥ר קָדֵֽשׁ: ק֤וֹל יְהֹוָה יאהדונהי | יְחוֹלֵ֣ל אַיָּלֽוֹת֘ וַֽיֶּחֱשֹׂ֪ף יְעָ֫ר֥וֹת וּבְהֵֽיכָל֑וֹ ֜כֻּלּ֗וֹ אֹמֵ֥ר כָּבֽוֹד: ֖יְהֹוָה לַמַּבּ֣וּל יָשָׁ֑ב וַיֵּ֥שֶׁב ֜יְהֹוָה מֶ֣לֶךְ לְעוֹלָֽם: יְהֹוָה עֹ֖ז לְעַמּ֣וֹ יִתֵּ֑ן יְהֹוָה יאהדונהי | יְבָרֵ֖ךְ אֶת־עַמּ֣וֹ בַשָּׁלֽוֹם:

פיוט נאה לר' שלמה הלוי אלקבץ ז"ל. ושמו חתום בראשו.

לְכָה דוֹדִי לִקְרַאת כַּלָּה, פְּנֵי שַׁבָּת נְקַבְּלָה:

שָׁמוֹר וְזָכוֹר בְּדִבּוּר אֶחָד, הִשְׁמִיעָנוּ אֵל הַמְּיֻחָד, יְהֹוָה אֶחָד וּשְׁמוֹ אֶחָד, לְשֵׁם וּלְתִפְאֶרֶת וְלִתְהִלָּה: לכה

לִקְרַאת שַׁבָּת לְכוּ וְנֵלְכָה, כִּי הִיא מְקוֹר הַבְּרָכָה, מֵרֹאשׁ מִקֶּדֶם נְסוּכָה, סוֹף מַעֲשֶׂה בְּמַחֲשָׁבָה תְּחִלָּה: לכה

מִקְדַּשׁ מֶֽלֶךְ עִיר מְלוּכָה, קוּמִי צְאִי מִתּוֹךְ הַהֲפֵכָה, רַב לָךְ שֶֽׁבֶת בְּעֵמֶק הַבָּכָא, וְהוּא יַחְמוֹל עָלַיִךְ חֶמְלָה: לכה

הִתְנַעֲרִי מֵעָפָר קֽוּמִי, לִבְשִׁי בִּגְדֵי תִפְאַרְתֵּךְ עַמִּי, עַל יַד בֶּן־יִשַּׁי בֵּית הַלַּחְמִֽי, קָרְבָֽה אֶל נַפְשִׁי גְּאָלָהּ: לכה

הִתְעוֹרְרִי, הִתְעוֹרְרִי, כִּי בָא אוֹרֵךְ קֽוּמִי אֽוֹרִי, עֽוּרִי עֽוּרִי שִׁיר דַּבֵּֽרִי, כְּבוֹד יְהֹוָה עָלַיִךְ נִגְלָה: לכה

לֹא תֵבוֹשִׁי וְלֹא תִכָּֽלְמִֽי, מַה־תִּשְׁתּוֹחֲחִי וּמַה־תֶּהֱמִי, בָּךְ יֶחֱסוּ עֲנִיֵּי עַמִּי, וְנִבְנְתָה עִיר עַל תִּלָּהּ: לכה

וְהָיוּ לִמְשִׁסָּה שׁוֹסַֽיִךְ, וְרָחֲקוּ כָּל־מְבַלְּעָיִךְ, יָשִׂישׂ עָלַיִךְ אֱלֹהָֽיִךְ, כִּמְשׂוֹשׂ חָתָֽן עַל־כַּלָּה: לכה

יָמִין וּשְׂמֹאל תִּפְרֽוֹצִי, וְאֶת־יְהֹוָה תַּעֲרִֽיצִי, עַל יַד אִישׁ בֶּן־פַּרְצִֽי, וְנִשְׂמְחָה וְנָגִֽילָה: לכה

בֹּאִי בְשָׁלוֹם עֲטֶרֶת בַּעְלָהּ, גַּם בְּשִׂמְחָה בְּרִנָּה וּבְצָהֳלָה, תּוֹךְ אֱמוּנֵי עַם סְגֻלָּה:

מימין: בֹּאִי כַלָּה, משמאל: בֹּאִי כַלָּה, תּוֹךְ אֱמוּנֵי עַם סְגֻלָּה:

כשיאמר "בואי כלה" פעם שלישית יכוין לקבל תוספת הנפש.

מן האמצע: בֹּאִי כַלָּה, שַׁבָּת מַלְכְּתָא:

מִזְמ֥וֹר שִׁ֗יר לְי֣וֹם הַשַּׁבָּֽת: ט֗וֹב לְהֹד֥וֹת לַֽיהֹוָה וּלְזַמֵּ֖ר לְשִׁמְךָ֣ עֶלְיֽוֹן: לְהַגִּ֣יד בַּבֹּ֣קֶר חַסְדֶּ֑ךָ ֜וֶאֱמ֥וּנָתְךָ֗ בַּלֵּילֽוֹת: עֲֽלֵי־֖עָשֽׂוֹר וַֽעֲלֵי־נָ֑בֶל עֲלֵ֖י הִגָּי֣וֹן בְּכִנּֽוֹר: כִּ֤י שִׂמַּחְתַּ֣נִי יְהֹוָה בְּפָֽעֳלֶ֑ךָ בְּֽמַעֲשֵׂ֖י יָדֶ֣יךָ אֲרַנֵּֽן: מַה־גָּֽדְל֣וּ מַֽעֲשֶׂ֣יךָ יְהֹוָה מְאֹ֗ד עָֽמְק֥וּ מַחְשְׁבֹתֶֽיךָ: אִֽישׁ־֖בַּעַר לֹ֣א יֵדָ֑ע ֜וּכְסִ֗יל֯ לֹֽ֯א־יָבִ֥ין אֶת־זֹֽאת: בִּפְרֹ֤חַ רְשָׁעִ֨ים| כְּמ֥וֹ עֵ֗שֶׂב ֖וַיָּצִֽיצוּ כָּל־פֹּ֣עֲלֵי אָ֑וֶן לְהִשָּֽׁמְדָ֥ם עֲדֵי־עַֽד: וְאַתָּ֥ה מָר֗וֹם לְעֹלָ֥ם יְהֹוָה יאהדונהי: כִּ֤י הִנֵּ֪ה אֹֽיְבֶ֡יךָ יְהֹוָה כִּֽי־הִנֵּ֣ה אֹֽיְבֶ֣יךָ יֹאבֵ֑דוּ ֜יִתְפָּֽרְד֗וּ כָּל־פֹּ֥עֲלֵי אָֽוֶן: וַתָּ֣רֶם כִּרְאֵ֣ים קַרְנִ֑י ֜בַּלֹּתִ֗י בְּשֶׁ֣מֶן רַֽעֲנָֽן: וַתַּבֵּ֥ט עֵינִ֗י בְּשׁ֫וּרָ֥י בַּקָּמִ֖ים עָלַ֥י ֜מְרֵעִ֗ים תִּשְׁמַ֥עְנָה אָזְנָֽי: ֖צַדִּֽיק כַּתָּמָ֣ר יִפְרָ֑ח כְּאֶ֖רֶז בַּלְּבָנ֣וֹן יִשְׂגֶּֽה: ֖שְׁתוּלִֽים בְּבֵ֣ית יְהֹוָה בְּחַצְר֖וֹת אֱלֹהֵ֣ינוּ יַפְרִֽיחוּ: ֖עוֹד יְנוּב֣וּן בְּשֵׂיבָ֑ה דְּשֵׁנִ֖ים וְֽרַעֲנַנִּ֣ים יִֽהְיֽוּ: ֖לְהַגִּֽיד כִּֽי־יָשָׁ֣ר יְהֹוָה צוּרִ֗י וְֽלֹא־עַוְלָ֥תָה בּֽוֹ:

יְהֹוָה מָלָֽךְ֘ גֵּא֪וּת לָ֫בֵ֥שׁ לָבֵ֣שׁ ֖יְהֹוָה עֹ֣ז הִתְאַזָּ֑ר אַף־תִּכּ֥וֹן ֜תֵּבֵ֗ל בַּל־תִּמּֽוֹט: נָכ֣וֹן כִּסְאֲךָ֣ מֵאָ֑ז מֵֽעוֹלָ֣ם אָֽתָּה: נָֽשְׂא֤וּ נְהָר֨וֹת| יְהֹוָה נָֽשְׂא֣וּ נְהָר֣וֹת קוֹלָ֑ם יִשְׂא֖וּ נְהָר֣וֹת דָּכְיָֽם: מִקֹּל֨וֹת| מַ֤יִם רַבִּ֗ים אַדִּירִ֥ים מִשְׁבְּרֵי־יָ֑ם אַדִּ֖יר בַּמָּר֣וֹם יְהֹוָה יאהדונהי: עֵֽדֹתֶ֨יךָ| נֶֽאֶמְנ֬וּ מְאֹ֗ד לְבֵֽיתְךָ֥ נַֽאֲוָה־קֹ֑דֶשׁ ֜יְהֹוָה לְאֹ֣רֶךְ יָמִֽים:

אָמַר֯ רִ֯בִּי אֶלְעָזָר אָמַר֯ רִ֯בִּי חֲנִינָא תַּלְמִידֵי חֲכָמִים֯ מַ֯רְבִּים שָׁלוֹם בָּעוֹלָם, שֶׁנֶּאֱמַר וְכָל־בָּנַיִךְ לִמּוּדֵי יְהֹוָה וְרַב שְׁלוֹם בָּנָיִךְ. אַל תִּקְרֵי בָנַיִךְ אֶלָּֽא בוֹנָיִךְ: יְהִי־שָׁלוֹם בְּחֵילֵךְ שַׁלְוָה בְּאַרְמְנוֹתָיִךְ: לְמַֽעַן אַחַי וְרֵעָי אֲדַבְּרָה־נָּא שָׁלוֹם בָּךְ: לְמַֽעַן בֵּית־יְהֹוָה אֱלֹהֵינוּ אֲבַקְשָׁה טוֹב לָךְ: וּרְאֵה־בָנִים לְבָנֶֽיךָ, שָׁלוֹם עַל־יִשְׂרָאֵל: שָׁלוֹם רָב לְאֹהֲבֵי תוֹרָתֶֽךָ וְאֵין לָמוֹ מִכְשׁוֹל: יְהֹוָה עֹז לְעַמּוֹ יִתֵּן, יְהֹוָה יְ֯בָרֵךְ אֶת־עַמּוֹ בַשָּׁלוֹם:

ואומרים קדיש על ישראל:

יִתְגַּדַּל וְיִתְקַדַּשׁ שְׁמֵהּ רַבָּא. אמן בְּעָֽלְמָֽא דִּי בְרָא כִּרְעוּתֵהּ, וְיַמְלִיךְ מַלְכוּתֵהּ, וְיַצְמַח פֻּרְקָנֵהּ, וִיקָרֵב מְשִׁיחֵהּ. אמן בְּחַיֵּיכוֹן וּבְיוֹמֵיכוֹן וּבְחַיֵּי דְכָל בֵּית יִשְׂרָאֵל, בַּעֲגָלָא וּבִזְמַן קָרִיב, וְאִמְרוּ אָמֵן. אמן יְהֵא שְׁמֵהּ רַבָּא מְבָרַךְ לְעָלַם וּלְעָֽלְמֵי עָֽלְמַיָּא יִתְבָּרַךְ, וְיִשְׁתַּבַּח וְיִתְפָּאַר וְיִתְרוֹמַם וְיִתְנַשֵּׂא וְיִתְהַדָּר וְיִתְעַלֶּה וְיִתְהַלָּל, שְׁמֵהּ דְּקֻדְשָׁא בְרִיךְ הוּא. אמן לְעֵלָּא מִן כָּל בִּרְכָתָא, שִׁירָתָא, תִּשְׁבְּחָתָא וְנֶחָמָתָא דַאֲמִירָן בְּעָֽלְמָֽא, וְאִמְרוּ אָמֵן. אמן

עַל יִשְׂרָאֵל וְעַל רַבָּנָן וְעַל תַּלְמִידֵיהוֹן וְעַל כָּל תַּלְמִידֵי תַלְמִידֵיהוֹן, דְּעָֽסְקִין בְּאוֹרַיְתָֽא קַדִּישְׁתָּא, דִּי בְאַתְרָא הָדֵין וְדִי בְכָל אֲתַר וַאֲתַר. יְהֵא לָנָא וּלְכוֹן וּלְהוֹן, שְׁלָמָא חִנָּא וְחִסְדָּא וְרַחֲמֵי, מִן קֳדָם מָארֵי שְׁמַיָּא וְאַרְעָא, וְאִמְרוּ אָמֵן. אמן

יְהֵא שְׁלָמָא רַבָּא מִן שְׁמַיָּא, חַיִּים וְשָׂבָע וִישׁוּעָה וְנֶחָמָה וְשֵׁיזָבָא וּרְפוּאָה וּגְאֻלָּה וּסְלִיחָה וְכַפָּרָה וְרֶוַח וְהַצָּלָה, לָנוּ וּלְכָל עַמּוֹ יִשְׂרָאֵל, וְאִמְרוּ אָמֵן. אמן

יפסע שלש פסיעות לאחוריו, ויאמר:

עֹשֶׂה שָׁלוֹם בִּמְרוֹמָיו, הוּא בְרַחֲמָיו יַעֲשֶׂה שָׁלוֹם עָלֵינוּ, וְעַל כָּל־עַמּוֹ יִשְׂרָאֵל, וְאִמְרוּ אָמֵן: אמן